Media 24 berig vanoggend dat die appél teen die dwaalleer besluit van die Algemene Sinode van 2015 oor selfdegeslag verbintenisse eers oor twee jaar deur die volgende sinode aangespreek sal word.
Die pro-gays sê hulle is onoorwonne.
Maar hierdie is belangrik: Dié wat selfdegeslag verbintenisse ondersteun plaas hulleself buite die reddende Christelike geloof want
- Hulle ontken die Goddelike inspirasie van die Bybel deurdat hulle tekste na willekeur afmaak as “kulturele uitsprake” wat geen “moreel-etiese grondslag” het nie. Deur dit te doen beweer hulle dat God nie met die mens kan of wil kommunikeer nie. Daarmee ontken hulle die wese van God as almagtige Vader (As God nie KAN kommunikeer nie is Hy nie almagtig nie. As God nie WIL kommunikeer nie is Hy nie Vader nie). Hierdie is dieselfde postmodernisme wat aanleiding gee tot die ontkenning van die maagdelike geboorte, Jesus se wonderwerke en sy liggaamlike opstanding.
- Hulle ontken die sondeval, omdat hulle beweer dat God ons seksualiteit net so gemaak het soos wat dit nou is, en dat enige en alle vorms van seksualiteit daarom God se beeld weerspieël. Die waarheid is dat ALLE mense se seksualiteit deur die sondeval gebreek is, homoseksualiteit is maar net een manier waarop die sondeval in ons lewens manifesteer. Omdat hulle die sondeval ontken maak hulle Jesus as Verlosser oorbodig, en reduseer hulle die evangelie tot iets wat dit nie is nie.
Die basislyn is dit: Dit is nie genoeg om ‘n politieke oorwinning oor hierdie dwaalleraars te kry nie. Ons as wedergebore Christene kan hulle nie toelaat om verder in ons kerk hulle dwaalleer te verkondig nie.
Ons of hulle moet uit. En aangesien hulle ons belydenisskrifte se duidelike leerstelling van skrif verwerp en hulle dus kontrakbreuk pleeg, moet hulle uit.
Hier staan ek.
NG Kerk: Gays sal moet wag
Deur Pieter Steyn 18 November 2015 00:22
Foto:
Die NG Kerk hou by die besluit van sy algemene sinode om gay lidmate op elke vlak te verwelkom, maar die uitvoering daarvan is vir twee jaar uitgestel.
Dit beteken gay proponente mag voorlopig nie in die amp van leraar georden word nie, tensy hulle selibaat is.
Gay paartjies se burgerlike verbintenis word voorlopig ook nie erken nie. So ’n verbintenis mag ook nie deur ’n leraar voltrek word nie.
Na verneem word het die moderamen van die algemene sinode, wat in Edenvale vergader, Dinsdag ná ’n “oop gesprek” oor die gees waarin en manier waarop die algemene sinode die besluit geneem het, besluit dit staan.
Die praktiese uitvoering van die besluit word egter gestaak hangende die uitslag van die appèl.
Dit sal op die vroegste in 2017 wees wanneer die volgende algemene sinode besluit oor die appèlle wat ontvang is.
Intussen is dr. Johann (Tokkie) Ernst, aanvanklik een van die sekondante van die voorstel wat tot die kerk se gay-besluit gelei het, se naam Dinsdag verwyder as ’n sekondant.
Sy naam is in die voorlopige notule van die sinode aangeteken as sekondant, maar is verwyder voordat die notule goedgekeur is.
Proponent Hennie Pienaar, een van die leiers in die stryd om gewone regte en voorregte vir gays in die NG Kerk, sê hy is teleurgesteld oor die appèl, maar is steeds baie positief oor die besluit.
“Dit is teleurstellend dat die kerk so ’n besluit, wat hom uiteindelik weer relevant in die samelewing maak, tydelik kon stuit.”
Pienaar sê hulle is egter nie negatief nie en hef aan lê voor.
“Dit motiveer ons om die volgende twee jaar bitter hard te werk, op grondvlak, sodat lidmate ons siele en harte sien, sodat hul vooropgestelde idees oor waarom hulle ons wil uitsluit, sal val. Sodat hulle besef dis ’n onreg. Dis eers wanneer jy met gay mense te doen het, hul stories hoor, hul harte en siele sien, dat jy besef hulle is net sulke mense soos ek.”
Pienaar sê hy sien uit na die volgende algemene sinode in 2017.
“Ons hou reeds partytjie, al is die besluit gevries. Minstens is daar iets om te vries. Voor die sinode was daar niks. Dis soos om uit te sien na ’n vleisbraai, later. Jy het die gevriesde tjops, al kan jy nog nie dadelik gaan braai nie. Ons sien uit na ’n tamaai braai en álmal is genooi!”
Henrietta Klaasing said:
Ek verwag dat “draadsittende gemeentes” die tyd gaan gebruik om met mag en mening die siek valse “hermeneutiese sleutels” aan niksvermoedende lidmate te verkoop. Daar is geen, ek herhaal GEEN, manier wat die leierskap “tot bekering” gaan kom nie – hulle gaan hierdie gemeentes help en selfs gemeentes wat reeds TEEN die AS2015 besluit standpunt ingeneem het (wat in hulle oë “dwalend” is), te oortuig. Hulle het mos klaar weer ‘n “toolbox” gereed (al daardie boekies wat deur Ben du Toit opgestel is).
Anoniem said:
Henrietta dit is so treurig om te noem dat hierdie stellings van jou alreeds waar geword het. Gemeentes onder in die Kaap is alreeds so bewerk het dat hulle onwetend hierdie SGV mense die hel in stuur asook hulself deur dit goed te keur op vergaderings onlangs gehou.
Henrietta Klaasing said:
Anoniem, kyk hoe daar al VOOR die AS2015 gekonkel is met Skrifgesag: http://atlas.bybelmedia.org.za/wp-content/uploads/sites/73/2015/10/Skrifgesag-2b.pdf
( dit lees vinnig, 12 bladsye) – dit is deel van die “toolbox” wat ATLAS gratis beskikbaar stel en adverteer om gemeentes “by te staan” om verder te DWAAL!! Gaan gewoon na http://www.atlas.bybelmedia.org.za om die hele ” Pandora se boks” vol onheile te sien.
Cobus Fourie said:
Ek haal aan vanaf die document by die link: ““Die historiese konteks waarbinne die Bybel ontstaan het, word ernstig geneem. “What it meant and what it means” is nie noodwendig dieselfde nie.”
Hoe gerieflik, nou kan die gewone mens nie meer die Bybel uitl^ nie want hy verstaan die die taal-historiese konteks van tekste nie. Dit bring ons terug by die tyd voor die hervorming toe die arme leke uitgelewer was aan super-lidmate van Christus met bonatuurlike kennis.
Dit is soos Jesus ges^ het en bevestig is in die donderende taal van Openbaring: elke geslag Christene sal teen die gnostisisme stry!
Henrietta Klaasing said:
Anoniem, kyk hier hoe daar al VOOR die AS gekonkel is met dwaalleringe oor Skrifgesag: http://atlas.bybelmedia.org.za/wp-content/uploads/sites/73/2015/10/Skrifgesag-2b.pdf
Johannes. said:
Broers gee ons hierdie dwaarleraars, wat so openlik in die media,TV,radio asook vanuit die moderatum om hul dwaalleringe te bly verkondig en voort te gaan, nog twee jaar om verder verwoesting te saai tewyl die Kerk dood bloei en verder die wingerd te verwoes?
Hulle het ons mos al oor jare ons aan die slaap gevang. Leer God se Woord ons nie om ontsae te raak van hierdie dwaalleraars nie? As ons as geroepe Evangeliese manne nie doen wat Hy ons beveel om te doen uit Sy Woord is ons net so aandadig soos hulle aan hierdie vals leeringe!
Ek vra dat ons nou fokus op die onmiddelike pad vorentoe en dat van ons broers hierdie onderwerp sal aanpak om duidelikheid weer te gee op “hier staan ek” sodat daadwerklike Skiftuurlike aksie geneem kan word.
Ons kan mos Die belydenis van Spanje, Belhar, God se Woord nie relevant vir vandag, die Wetenskap “omarm” word en die SGV saamvat as een groot dwaling en werklik die gevaar sien wat vloei vanuit hierdie manne se monde!
Moennie wag broers. Tree volgens God se Woord op en roep hulle almal in om tot inkeer te kom of………verwyder hierdie ou suurdeeg en vevang dit! n Interessante vraag aan hulle sal wees oor hoeveel Broers hulle al tot hierdie stap gelei het? U sal verbaas wees om die waarheid uit te vind!
Die Kerk van Jesus word n bespotting van gemaak deur hulle! Kan ons deur n passiewe houding en om God se Bybelse opdragte te ignoreer met skoon gewetes voor Hom staan?
I
jacosteyn2013 said:
Ek dink materiële oorwegings het nog altyd binne hierdie kerk swaarder geweeg as “Bybelse waarhede”. Terwyl hulle aan die een kant probeer nader beweeg aan die ANC se beleid met hul aanvaarding van gays en die polities-geïnspireerde Belhar Belydenis, besef hulle aan die ander kant dat hulle ook moet probeer om die meer “behoudende lidmate” sover moontlik tevrede te hou…
Anoniem said:
Jaco gelukkig het ons n Almagtige God wat op die regte tyd sal afreken en die paaie gelyk sal maak. My opinie is dat God nie gevrees word soos ons moet!
jacosteyn2013 said:
Ongelukkig het hierdie beweerde “Almagtige God” al baie geleenthede gehad om die “paaie gelyk te maak”. Waar was Hy toe derduisende blanke Zimbabwiërs hul plase verloor het en toe duisende plaasmoorde in hierdie land gepleeg is? Lees gerus my artikel “Eienskappe van die Persoonlike God van die Abrahamitiese godsdienste”, in verband met die feit dat Hy nie tegelyk alwetend, almagtig en liefdevol kan wees nie.
Baz said:
Cobus said:
Dit is makliker gese as gedaan. Hoe kan ‘n lidmaat binne ‘n dwalende gemeente binne ‘n dwalende ring, sy leraar van die amp onthef kry? Die tug ondersoek sal op niks uitloop. Kyk maar na wat met Wyndand en Ferdie Mulder gebeur het.
Die problem is dat ons nie meer ons leraars kan vertrou nie.
Anoniem said:
Cobus so waar en wys net hoe diep in die moeilikheid die NGK werklik is!
Cobus Fourie said:
Dit sal ‘n wonder van bo verg om die NGK uit hierdie moeras te trek. Die problem is dat sodra daar twee strydende faksies in ‘n kerk is nie een van die twee foutloos sal optree nie.
Dit is tyd dat ons die Here vra wat sy wil met die NGK is. Dit was al van Jan van Riebeeck se tyd af ‘n staadskerk vir die grootste deel van die tyd ‘n staatskerk – ‘n handpop in die politieke meester se hand. Miskien moet ons die NGK sien vir wat dit is en dit verlaat?
Die kweekskole is verrot en ek is bevrees daar is ‘n hele geslag leraars opgelei wat nie regtig weet wat dit is om die Here te vrees nie.
Johannes de Villiers said:
Esegiel 34 vers 7-10.
7.Daarom herders, hoor die Woord van Die Here: 8.”My kleinvee is uitgelewer en het die prooi van enige wilde dier geword; hulle is “sonder herder, sonder iemand wat na hul soek: die herders het vir hulleself gesorg en nie vir My kleinvee nie. So seker as ek leef,” se Die Here my God, Ek sal die herders straf.” 9.Hoor die Woord van Die Here, herders! 10.So se Die Here my God “Ek gaan optree teen die herders: Ek eis my kleinvee van hulle terug. Ek maak n end daaraan dat hulle die kleinvee se herder is, hulle sal nie die herders bly nie om net vir hulself te sorg nie. Ek sal my kleinvee red en hulle nie deur die herders laat opeet nie.”
Kan ons verder op pad wees saam met hulle wat soos wilde diere om ons ronddans en ons self skuldig word?
Die weg om te volg, sou dit van ons verg om so drasties op te tree, is om hierdie dwaalleraars agter te laat en die Nuwe Evangeliese Kerk te stig.
jacosteyn2013 said:
@Johannes. Die weg om te volg is juis om tradisionele Christelike dogmas te verwerp en dit te vervang met ʼn behoorlike spirituele lewensbeskouing wat (1) logies konsekwent is; (2) nié indruis teen wetenskaplike teorieë soos bv. die evolusieteorie nie en wat nog boonop voordelig is vir die meeste mense. Een van die redes waarom die geloof in die Bybel as “onfeilbare Woord van God” verwerp moet word, is dat volgens die Bybel, ongehoorsame kinders gestenig moet word. Beteken dit dat Christene ook hierdie verse letterlik behoort te interpreteer om sodoende hierdie “kwaad/sonde” (saam met homoseksualiteit) uit te roei? Deuteronomium 21:18-21 “Wanneer ‘n man ‘n opstandige en ongehoorsame seun het wat nie na sy pa en ma wil luister nie, selfs al straf hulle hom, moet hulle hom na die leiers van die stad toe vat by die stadspoort. Hulle moet vir die leiers van die stad sê: ‘Hierdie seun van ons is opstandig en ongehoorsaam. Hy luister nie na ons nie. Hy is ‘n vraat en ‘n suiplap.’ Dan moet al die mans van die stad hom met klippe doodgooi. So moet jy hierdie soort kwaad tussen julle uitroei, en die hele Israel sal daarvan hoor en bang wees.”
hierstaanek said:
Jaco jy is van die onderwerp af. Dit is eenvoudig swak maniere om n draad te probeer kaap. EN ek hou nie van die idee dat jy my blog gebruik as ‘n verhoog vir jou antichristelike fantasieë nie.
hierstaanek
Cobus Smit said:
Jaco, ek stem 100% saam met Wynand. Jy het jou eie agenda en ek dink nie die mense wat hier lees stel belang daarin nie. Daar is baie ander forums waar iemand dalk sal belangstel.
jacosteyn2013 said:
@Cobus en @hierstaanek. Ek mag miskien nie welkom wees op hierdie webblad nie, maar julle is welkom om kommentaar te lewer op my blog waar ek bv. in die artikel, “Die invloed van Calvinisme op die Suid-Afrikaanse politiek en ekonomie”, die nadelige gevolge wat Calvinisme vir die meeste Suid-Afrikaners ingehou het, geadresseer het. As julle so seker is dat julle “reg” is, behoort julle mos met behoorlike teenargumente vorendag te kom!
hierstaanek said:
Jaco as jy nie welkom was nie het ek jou lankal geblok, 🙂
Jy is welkom hier, jy is net nie welkom om die blog te gebruik as platform vir jou nonsens nie.
Ja ons is reg. (Want die Bybel sê so) Maar dit beteken nie ons is nou lus vir die gesprek waarvoor jy lus is nie. Jammer…
Johannes de Villiers said:
Wynand, ek hoop so jy sal my toelaat om Jaco te antwoord aangesien so baie dwalleeraars en dwalinge kan voorvloei en lyk of ons nie n antwoord op hierdie afmaak van die Skrif van waarder vir vandag.
My vriend, gaan na die volgende webblad en lees dit –
https://carm.org/bible-difficulties/genesis-deuteronomy/stone-rebellious-son
As jy ooit enige twyfel aangaande die Heilige Skrifte sou he is my opregte raad om na die “Life Application Bible” te gaan vir die verklaarings. Ek hoop u sal dit ook met bg. seining van genoemde Skrif gedeelte doen.
Indien u nie saamstem is my oproep dat u in alle erns God sal vra om die sluier van die gesig te verwyder en Sy Gees u in die waarheid sal lei
Henrietta Klaasing said:
Johannes, ons en Jaco gaan keer op keer soos treine op verskillende spore by mekaar verby beweeg, want ons uitgangspunte / wêreldbeskouings verskil hemelsbreed. Jaco is ‘n medewerker by Abel Pienaar se SES en Sakkie Spangenberg se NHN. Hier is een van sy artikels op Abel se SES:
http://www.spiritualiteit.co.za/artikel-noodsaaklikheid-van-nuwe-spiritualiteit.php
Henrietta Klaasing said:
In Jaco se artikel noem hy met waardering die die Renaissance gemeente – kyk maar hier wat is hulle uitgangspunte: http://www.renaissancegem.co.za/
jacosteyn2013 said:
@Johannes. Anders as baie ander nie-Christene lees ek nog steeds gereeld boeke wat deur Fundamentalistiese Christene soos o.a. dr William Lane Craig, Francis Schaeffer en prof. Adrio König, geskryf is. In hierdie artikel het ek breedvoerig verduidelik waarom ek nié glo dat die Bybel die “onfeilbare Woord van God” is nie.
hierstaanek said:
Jaco jy gebruik al weer my blog as ‘n advertensie vir jou blog. Ek het al meer as ‘n jaar gelede vir jou gevra om dit nie te doen nie.
jacosteyn2013 said:
@hierstaanek. Die artikel waarna ek verwys het is op die webblad van die Sentrum vir Eietydse Spiritualiteit en nié op my blog nie. Henriëtta het ook na dieselfde webblad verwys in haar onlangse kommentaar. Ek sien jy het ook sommer my antwoord aan haar verwyder sonder enige behoorlike rede.
hierstaanek said:
Jaco jammer maar jy begin my irriteer. Ek het nie redes nodig om nonsens van my blog te verwyder nie.
Die blog se doel is om die NG Kerk terug te bring na die evangelie. Enige kommentaar wat daarby inpas is goed. Jou agenda hier stem geensins met die doel van die blog ooreen nie. Jy is off topic. Daarom sal ek jou sensor.
Daarom, en ook omdat ek kan.
Cobus Smit said:
Jaco – Die Eietydse Spiritualiteit webblad is scary vol simboliek, allegorie en new age. Dit gee my hoendervleis as ek van daardie goed lees. Ek kan nie dink hoe dit enigsins die kerk gaan help nie.
Ek sou dit graag sag wou stel deur te se julle bevorder net new age met daardie webblad maar ek weet nie hoe nie, so verskoon asb die kritiek.
“n leuen wat die halwe waarheid is, is die donkerste van alle leuens”
Heidie Schultz said:
“A time will come when instead of SHEPPARDS FEEDING THE SHEEP, The curch will have CLOWNS ENTERTAINING THE GOATS” (CHARLES H. SPURGEON.)
Anoniem said:
Ek dink so aan die 7 gemeentes in Openbaring waarvan die kleinste God behaag het en Sy seen op hulle gerus het.
Liewer n kleiner gereformeerde nuwe kerk sonder hierdie dwaalleraars en gesuiwer voor Hom MET SY SEEN!
Besin broers as jul Nelis se relaas op radio gehoor het vanmiddag is dit mos duidelik dat die Evangeliese manne in die moderatum geen verweer het en die algehele kerk dus weerloos staan! Hy is ook nie te vertrou en praat al sonder skaamte uit twee monde!
Word wakker word wakker voor dit te laat is en die narre Sy skape sal voer. Dit het alreeds begin in hul gemeentes!
Hierdie dwaalleraars gaan nog verdere skuiwe vorentoe maak dat dit later onmoontlik sal wees om n nuwe gesamentlike begin te maak.
Wees gewaarsku in liefde bedoel.
Jozua Marais said:
Aan my mede-gelowiges in die HERE ons Skepper-God, soos deur Sy Seun JESUS CHRISTUS aan my geopenbaar en eenmaal, midde-in sonde, met die wonderlikste, stromende koel waters oorvloei, verkwik en oortuig is deur Sy HEILIGE GEES:
Hoe tragies depressief was dit nie vanoggend om hierdie berig op my nugter maag te ontvang nie!
Ek het opnuut besef waarom ek een Sondagaand gedurende 1989 – na ‘n erediens by ons plaaslike NG-gemeente (genootskap van my geboorte) – nie anders kon as om in my binnekamer op my knieë voor die HERE te verklaar nie, “Van nou-af is dit net U en ek”. (‘n Saak tussen U en my!)
(Nou weet julle ook en sal ek na hierdie skrywe nie verder kommentaar oor die NGK-dilemma lewer nie.)
Wat ek egter nie kan verstaan nie, is dat lidmate sedertdien steeds hierdie NG-“instansie” aan die gang gehou het. Veral met hul polities-humanisties georiënteerde kweekskole, professore, lektore, moderators, leraars, ens wat bykans daagliks nuwe dwaalleer vind in hul soektog na “wysheid/wetenskap” – om aan te pas by die sondige sekulêre behoeftes van hul lidmate – wat dan opgedis word as sg “nuwe insigte” oor die Bybel.
Dat ‘n appél teen dwaalleer van die AS moontlik 2 jaar gaan duur, vertel net dat werklik gelowige lidmate nie langer kan wag as om hierdie sg “kerk” te verlaat nie.
Ek meen, as die NGK nie langer daarin glo dat die Bybel werklik die “Lewende” Woord van GOD is nie; die maagdelike geboorte van JESUS begin verwerp en twyfel oor die opstanding uit die dood en hemelvaart van JESUS, wat bly dan oor van die rede vir die oorspronklike stigting van die “Kerk van JESUS CHRISTUS”, tweeduisend jaar gelede??
Dan kan die NGK maar net sowel al hul eeu-oue kerkgeboue sluit, nuwe filosofiese, mistieke, new-age “geestelike” klubs stig – amper iets soos die Grieke destyds met hul afgode – waar elkeen maar kan verklaar, doen en vergryp net soos hulle wil.
NGK-lidmate moet NOU besluit waar hul staan en dit afdwing!
“Kies dan vir julle vandag wie julle wil dien . . .” – (Josua 24:15)
Anoniem said:
Die uittog het al begin in alle erns Jozua- jy is so reg! Gesels met n predikant van The Reformed Anglican Church of South Africa na n erediens wat ek daar bygewoon het. Die Kerk was vol en het ek voor die tyd Afrikaans gehoor soos lidmate inbeweeg. By navraag bevestig hul een predikant dat hulle gemeente nou 60%uit Afrikaanse lidmate bestaan. Twee van die leraars is ook nog boonop uit die Afrikaner geledere!
Hierdie kerk denominasie staan onwrikbaar op die Woord van God en wat daarmee meegaan. Hulle verwerp ook die vrou in die ampte!! Al wat ek kan se is dat God se Gees hier teenwoordig was en die Kerk seen.
Die teendeel is waar van Nelis Jansen van Rensburg wat vanmiddag praat op RSG van die bevryding van Gays en hul gevoelens en as mens en hoe die vrou alreeds bevry is! So absoluut treurig as ek dink aan die dokumente van die NGK teenoor David Pawson se boek- Leadership is male- wat as skriftuurlike instrument gebruik word deur bg. engelse denominasie!
Geen wonder ons lidmate vind n nuwe geeslike tuiste. God seen hulle!