Die marxis Saul Alinsky se boek “Rules for Radicals” is al vir ‘n paar dekades die nommer een handboek vir die radikale omverwerping westerse kultuur deur kulturele Marxiste. Hillary Clinton is een van sy grootste akoliete. Sy het as student haar meestersverhandeling oor Saul Alinsky geskryf, en sy metodes nougeset toegepas in haar loopbaan.
Kyk wat sê reël nommer 13
“Pick the target, freeze it, personalize it, and polarize it.” Cut off the support network and isolate the target from sympathy. Go after people and not institutions; people hurt faster than institutions.”
Pick the target: Die Algemene Sinode van 2016 is ‘n gesiglose groep omies. Niemand weet eintlik wie dit was nie. Die moderamen is meer persoonlik. Ons weet wie meeste van hulle se name is. Maar die probleem is, meeste van hulle is aan Bartlett se kant. So kies die een wat NIE saamstem nie, Ds Dirkie van der Spuy.
Freeze it, personalize it: Ds van der Spuy is wel bekend in die NG Kerk. Hy is leraar by die grootste mega-gemeente in die land, Moreletapark. Almal ken hom. Om hom aan te val lok ‘n onmiddelike emosionele respons by die gehoor uit.
Polarize it. Cut off the support network: Sonder Ds van der Spuy uit om aan te val. Kla hom aan by sy kollegas, die ander moderamen lede (Dr Gustav Claassen). Onmiddelik is daar ‘n konflik tussen Ds van der Spuy en sy kollegas. Hy is onmiddelik geisoleer.
Isolate the target from sympathy: Lees maar Bartlett se brief.
Uit sy verwysing na die “geweldige stryd” en die “wonderlike oorwinning vir God en sy Woord” is dit duidelik dat dit hier oor veel meer gaan as persoonlike instemming met die besluit wat deur die sinode geneem is.
Die duidelike implikasie van sy woordkeuse is dat die standpunt van die persone wat tydens die vergadering in die minderheid gestem het, in stryd is met God en met sy Woord. Dit word bevestig deur die feit dat die uitslag van die besluitneming deur hom beskryf word as ‘n bewys dat “die Here self kom oorneem het en ‘n wonderwerk in Sy kerk kom doen het.”
Behalwe dat ons op ‘n baie diep vlak aanstoot neem aan hierdie kwalik bedekte beskuldiging van kettery en/of leerdwaling, dink ons ook dat dit uiters onverantwoordelik van ‘n persoon in ‘n leiersposisie in die NG Kerk is om hom op so manier uit te spreek – veral in hierdie tyd van groot spanning en dreigende skeuring in die kerk waarvoor ons almal lief is.
Ons is ook besorgd oor die verwysing in ds Van der Spuy se skrywe na “Moreletapark se besluit wat goedgekeur is deur die AS.”
Die saak het oor die afgelope paar dae ongekende aandag in die pers gekry, totaal buite verhouding tot die inhoud van Ds van der Spuy se brief wat die gefabriseerde “outrage” ontlok het. Van der Spuy is op sosiale media afgemaak as homofoob en deur die spreekwoordelike bos gesleep.
Go after people and not institutions; people hurt faster than institutions: Heel duidelik!
Ek dink Bartlett se gedrag is onverskoonbaar. Of hy Alinsky gelees het of nie is nie van belang nie. Die feit is, die modus operandi wat hy volg laat mens se hare rys.
Hierstaanek
Henrietta Klaasing said:
Goeie vraag.
Ben Biggs said:
Die Here sê: Daar staan geskrywe. Die Satan en sy trawante Hou nie van Bybelversies nie, want hulle werke is boos.
riaanvzyl said:
Ek stem volmondig saam, Wynand.
Hierstaanekook said:
Nou ja Bartlett se petisie op Change.org is nou 369 stemme sterk. Sowat 55 uur nadat die aksie geloods is. As ek na ander petisies kyk is dit nou geensins ‘n “performance” om oor opgewonde te raak nie. Ek sou reken die petisie is doodgebore net soos die saak waarvoor hy staan. In sy skoene sou ek my motief en my ondersteuningsbasis begin bevraagteken. Dit kan dalk net ‘n publieke verleentheid vir Bartlett raak. Sal Bartlett my ook aankla en wil uitboender omdat ek nou glo en in die openbaar verklaar dat God weereens op wonderbaarlike manier ingryp en Satan en sy trawante bloedneus slaan.
Hoe gaan Bartlett nou, na hy om hulp by die wêreld aangeklop het, hom weer tot die kerkordelike strukture kan wend om sy en sy karige aantal ondersteuners se sin te kry. Skaakmat!!!
“Abba Vader.
Dankie Here, dat ek, hulpelose sondaar, U mag aanbid.
Dankie Here, dat ek die voorreg het om in verwondering U Almag te kan aanskou. Dankie Here, dat U gister, vandag en more altyd dieselfde is.
Dankie Here, dat U Skrif nog nooit en nooit sal verander nie.
Dankie Here, dat U Skrif tydloos is.
Dankie Here, dat U Skrif net een en net een betekenis het en kan hê.
Dankie Here, dat U my en my gesin sedert AS 2015 na ‘n ander gemeente geneem het waar al vyf predikante Sondag vir Sondag, diens vir diens en geleentheid vir geleentheid net suiwer Skrif en suiwer Skrif alleen verkondig.
Dankie Here, dat ons so iets ongeloofliks kan ervaar.
Dankie Here, dat my twee hoërskoolkinders sedertdien na U kerk toe wil gaan
Dankie Here, dat my twee kinders nou oor U Woord saampraat in ons huis
Dankie Here, dat U ons so oorvloedig seën
Dankie Here, dat U Satan vir ons uitsorteer.
Dankie Here!!!
Ek bid alles in Jesus se Naam Alleen.
Amen”
Henrietta Klaasing (@hettiepettie) said:
En ek sê ook amen op jou innige hartgrondige gebed. Wat André betref: Wie ‘n gat vir ‘n ander grawe, val self daarin; die klippe wat hy gooi, sal na hom toe terugkom. Spr 26 v 27.
Liza Hartmann said:
Amen Wynand. Jy word wyd gelees hier by ons! :))
hierstaanek said:
Dankie Liza ☺