James White se konferensie oor die foutloosheid en onfeilbaarheid van die Bybel.
Kliek hier vir al die klankopnames: http://goodwoodbaptistchurch.co.za/gbc/messages/jw-recordings/ Die blad sal opdateer word soos die klankopnames beskikbaar word.
Video opnames sal gepos word sodra die redigering gedoen is, so as jy dit verkies, byt maar bietjie vas!
Laurens le Roux said:
Dr. White sê die Bybel is foutloos en onfeilbaar. As daar blykbaar aan hom gevra word welke Bybel dan is sy antwoord onduidelik. Hy verskaf nie ñ reguit antwoord nie. Blykbaar is alle “Christen” Bybels vir hom die Bybel. Dit kan tog nie wees nie, want daarvoor verskil die Bybels té veel van mekaar. Is daar dalk iemand wat hierdie teenstrydigheid kan opklaar? Ek het egter ook nog nie na al die videos gekyk nie.
Groetend
hierstaanek said:
Hi Laurens
Verwys asb na die Chicago verklaring oor die foutloosheid van die Bybel, dit beantwoord die mees algemene vrae.
Algemene beginsels.
– Die outograwe is geinspireerd, nie kopiee nie.
– Die kanon is die gevolg van God se inspirasie van die teks. Die kerk het dus nie die kanon geskep nie maar herken. Dit is belangrik om dit te verstaan. Lees maar ekstrabybelse tekste van die eerste eeu: alhoewel ons glo dat die Heilige Gees die Kerk gelei het in die herkenning van die kanon is die verskil tussen kanonieke en ander geskrifte van die era so groot dat selfs ongereddes dit kan sien.
– Net soos die INSPIRASIE van die teks organies is en nie meganies nie, is die OORDRAG EN PRESERVERING van die teks organies en nie meganies nie.
– By die oordrag van die teks is die volgende beginsels belangrik:
1: Latere manuskripte voeg gewoonlik woorde redaksioneel by en laat nie woorde uit nie.
2: Wanneer ‘n variasie tydens kopiering in die teks ingevoer is, bly dit permanent in opeenvolgende manuskripte.
Die gevolgtrekking is dat die VOLLEDIGE oorspronklike teks vandag beskikbaar is, nie in n enkele manuskrip nie maar in die hele korpus van manusktipte. Dit is ons werk om konsekwente en goeie tekstuele kritiek toe te pas om die beste bronteks te kry.
– Net soos organiese inspirasie nie n argument teen inspirasie kan wees nie kan organiese oordrag en preservering ook nie n geldige argument wees teen die preservering van die teks wees nie. In teendeel: Om vooraf te besluit hoe inspirasie of oordrag en preservering behoort plaas te vind en dan enige model wat daarmee verskil te verwerp is arrogant: dit skryf vir God voor hoe Hy dinge moet doen en ontken sy almag en soewereiniteit.
-Daar is GEEN tekstuele variasie in die Bybel wat ENIGE teologiese of dogmatiese implikasie het nie. Bv ingevoegde tekste oor die Drie-Eenheid is onnodig om die leer van die Drie Eenheid te vestig.
– Daar is goeie en slegte vertalings. Dit is jou verantwoordelikheid om n goeie een te kies om te gebruik.
Die argument “Watter Bybel?” is uiteindelik ‘n drogargument gebasseer op ‘n presupposisie van skeptisisme.
Laurens le Roux said:
Baie dankie, hoewel my kop ñ bietjie té “vlak” is om alles mooi te verstaan.!