Ds Jan Louw het ‘n streekbyeenkoms van die Sinode van die Vrystaat op 26 April 2016 bygewoon. Hy het ‘n dokument opgestel na aanleiding van ‘n voorlegging van prof Fanie Snyman by die geleentheid. Hy lig daarin sy waarnemings uit van die afvallige teologiese koers van die NG Kerk wat grondliggend is tot die besluite van die Algemene Sinode van 2015 oor selfdegeslag seksuele verhoudinge.
Ek ag dit so belangrik dat ek dit graag onder u aandag wil bring. Met ds Louw se toestemming heg ek die dokument hierby vir u aan. U kan met ds Louw hieroor in verbinding kom by janneman705@gmail.com
E-Kerkbode het ook berig oor die streeksbyeenkoms in Kroonstad . Die skakel na die artikel is hier:
http://kerkbode.christians.co.za/2016/05/23/verskil-die-ng-kerk-oor-die-bybel/?utm_source=wysija&utm_medium=email&utm_campaign=KB27Mei
Volgens die berig het prof Fanie Snyman gesê dat mense wat dink dat selfdegeslag verhoudings sonde is, die Bybel op ‘n spesifieke manier lees. Sulke mense “neig meer na ’n meganiese inspirasiebeskouing”, en van daar is dit ’n “klein tree na ’n a-historiese lees van die Bybel”.
Dit is jammer (en onverskoonbaar) dat Prof Snyman besluit het om so ‘n vals voorstelling te maak.
Mense wat glo dat selfdegeslag verhoudings sonde is val in ons kerk se Gereformeerde tradisie. Gereformeerdes sedert Calvyn het nog altyd meganiese inspirasie verwerp en ‘n organiese inspirasiemodel aangehang. Om die waarheid te sê, die verwerping van ‘n meganiese inspirasiemodel is sentraal in die leer van die foutloosheid van die Bybel soos uiteengesit in die Chicago verklaring oor die foutloosheid van die Skrif. Die Chicago verklaring word wêreldwyd wyd deur konserwatiewe Gereformeerdes onderskryf. (Volg asb die skakel en lees die hele verklaring!)
Article VII
WE AFFIRM that inspiration was the work in which God by His Spirit, through human writers, gave us His Word. The origin of Scripture is divine. The mode of divine inspiration remains largely a mystery to us.
WE DENY that inspiration can be reduced to human insight, or to heightened states of consciousness of any kind.
Article VIII.
WE AFFIRM that God in His work of inspiration utilized the distinctive personalities and literary styles of the writers whom He had chosen and prepared.
WE DENY that God, in causing these writers to use the very words that He chose, overrode their personalities.
http://www.bible-researcher.com/chicago1.html
Net so het Gereformeerdes nog altyd die Bybel volgens histories-grammatiese beginsels uitgelê. Calvyn skryf aan Simon Grynaeus in die voorwoord van sy komentaar oor die boek Romeine:
I Remember that when three years ago we had a friendly converse as to the best mode of expounding Scripture, the plan which especially pleased you, seemed also to me the most entitled to approbation: we both thought that the chief excellency of an expounder consists in lucid brevity. And, indeed, since it is almost his only work to lay open the mind of the writer whom he undertakes to explain, the degree in which he leads away his readers from it, in that degree he goes astray from his purpose, and in a manner wanders from his own boundaries.
Calvyn stel hier dat die eksegeet se enigste werk is om die oorspronklike bedoeling van die skrywer bloot te lê. Hierdie stelling is die basis van wat ons die “histories-grammatiese” metode van eksegese noem. “Histories” omdat die historiese konteks van die skrywer in aanmerking geneem word, en “Grammaties” omdat die genre en konteks van die teks in aanmerking geneem word, sodat mens die oorspronklike bedoeling van die skrywer kan verstaan. (Histories-grammatiese eksegese staan teenoor Histories-kritiese eksegese wat die Bybel soos enige ander teks uitlê en dus die Goddelike inspirasie van die Bybel ontken.)
Vir ‘n volledige uiteensetting van hoe konserwatiewe Gereformeerde Christene, ook ons in die NG Kerk, wat liberale teologie verwerp, die skrif beskou, volg hierdie skakel: https://hierstaanek.com/2016/05/18/dr-james-white-oor-die-onfeilbaarheid-van-die-skrif/
Prof Snyman se bewering dat konserwatiewe Christene in die NG Kerk meganiese inspirasie ondersteun en die Bybel a-histories lees is van alle waarheid ontbloot. Deur hierdie ooglopend vals voorstelling te maak van mense wat die Bybel se duidelike leer oor homoseksuele verhoudings aanvaar, skep hy die indruk dat diesulkes nie verantwoordbare eksegese doen nie.
Ons kan maar net hoop dat hierdie vals voorstellings nie die debat in die NG Kerk sal beïnvloed nie. As ons met mekaar in gesprek gaan moet ons ten minste die respek vir mekaar, en die integriteit hê om ons gespreksgenote se sienings akkuraat voor te stel.
Vir kommentaaar en terugvoer, kontak Ds Jan Louw asb by janneman705@gmail.com
Ds Louw se artikel is by hierdie skakel:
WAARNEMINGS OOR DIE TEOLOGIE VAN PROF FANIE SNYMAN EN DIE NG KERK IN DIE ALGEMEEN
Lees dit asseblief, en stuur verder aan!
Wynand Louw
hier staan ek 
riaanvzyl said:
Ek stem met die artikel saam, behalwe die laaste paragraaf:
“Ons kan maar net hoop dat hierdie vals voorstellings nie die debat in die NG Kerk sal beïnvloed nie.”
Dit gebeur ongelukkig reeds lankal – sedert twyfel en onsekerheid tot ‘n deugde verhef is. Dit was die voorloper waarna almal wat sekerheid van geloof het en in die Bybel as God se onfeilbare Woord glo, as ekstremiste gebrandmerk is.
riaanvzyl said:
Sjoe! Ek het Ds Jan Louw se artikel op my rekenaar gestoor en wil dit nog weer stadig deurwerk – waarskynlik ‘n paar keer – want daar is só baie waarheid en feite in, dat ek dit nie alles onmiddelik kan inneem nie.
Ek stem volmondig saam met wat hy sê. Hoe gemaak om die dwaalleraars uit ons midde te kry?
Dr. Hannes Schulz said:
Jan,
Dankie vir ‘n baie goeie uiteensetting van die huidge problematiek.
My gevoel is dat ons ernstig oorweging behoort te skenk om ‘n formele klagte in te dien insake die oortreding van Artikel 1 van die Kerkorde. In hierdie klagte behoort ons ook die problematiek oor die wegkruip agter akademiese Vryheid binne die NG Kerk aan te spreek. Hoor graag van jou in dié verband.
Liza-Nel said:
Het ons ‘n paar eeue vantevore gelewe was die antwoord voor die handliggend:- St Augustine (AD 354-430) taught that error has no right – “A war to preserve or restore the unity of the Church was a just war, a bellum Deo auctore, a war waged by God himself…”
Nico said:
Al hierdie onrusbarende dinge in die NGK en kerke in die algemeen is die simptome van hoër kritiek, historiese kritiese metode, moderne teologie of wat jy dit ookal wil noem. Dr Eta Linneman was een van hulle en het tot bekering gekom. Sy verduidelik baie netjies hoe die proses deur filosowe in die 1700s in die teologie ingebring is. Daar is lesings deur haar op youtube (in Duits maar nie te moeilik om te verstaan nie). Haar boeke is ook in engels vertaal. The Bible or Biblical Criticism, Is there a Synoptic Problem, Science or Opinion en Biblical Criticism to the Test. Sy was ‘n nuwe testamentikus en die boeke gaan meestal oor die nuwe testament. Dieselfde metode is op die ou testament gebruik. Ongelukkig is dit wat al die teologiese studente gevoer word vir meer as 30jaar. Want dit is WETENSKAPLIK. Die van julle wat in die Skepping vs Evolusie debat belangstel sal ook dié wetenskap herken vir wat dit is, ‘n versameling van sg just-so stories.
Nico said:
Ek het vergeet. Boeke wat die geskiedenis en die Bybel mooi aan mekaar verbind mbt die Ou Testamen is die van AH Sayce en Robert Dick Wilson as pdf of kindle by project gutenberg verniet op die internet te kry. Wys mens net hoe onkundig ons teoloë is ivm geskiedenis uit die tyd van die Ou Testament
Dani Mala said:
Hi hierstaanek
Ek wou net laat weet dat Christian action wat gebaseer is in die kaap nou ook in Afrikaans ‘n nuusbrief gaan uitstuur. Ek baat nou al ‘n paar jaar van hulle werk en ek vind dit uiters raak en relevant. Sal jy dalk so gaaf wees om hierdie boodskap aan te gee. Ek is nie direk betrokke in die bediening nie en het diep wortels in die NGK, en hierdie werk wat hulle doen het ek tot dusver gevind is versoenend met reformerende geloof.
Groete
Daniël Malan
Wêreldbeelde in Konflik
Om meer te sien oor die oorspronklike Engelse weergawe, Biblical Principles for Africa, klik hier.
Ons wil graag ‘n Afrikaanse E-Pos adres lys begin. Interessante Afrikaanse artikels en hulpbron besonderhede sal aan hierdie lys bestuur word. Stuur asseblief ‘n E-pos aan info@christianaction.org.za as u graag ook deel van hierdie lys wil wees. Die volgende artikel is ‘n hoofstuk uit die Bybelse Beginsels vir Afrika boek, geskryf deur Dr. Peter Hammond.
Die Humanistiese Standpunt Dit wil voorkom asof ons samelewing vasgevang is deur die humanisme van agtiende eeuse Franse filosowe soos Voltaire en Rousseau: Dat die mens in beginsel goed is; dat die menslike natuur verbeter en dat dit vervolmaak kan word. Om hierdie rede word diewe, verkragters en moordenaars behandel as “slagoffers van die samelewing”, wat behandeling en rehabilitasie nodig het, in plaas van skurke wat vergelding en straf moet ontvang.
Die huidige klimaat in die wêreld is een van “onderhandeling” (bedoelende: kompromie), “eenheid” (bedoelende: onderwerping), “liefde” (bedoelende: passiewe aanvaarding van sonde), en “vrede” (bedoelende: geen weerstand teen terrorisme). Die skandaal is dat onder hierdie misleiding, terroriste vrygelaat kan word, terwyl polisiemanne in die tronk beland. Moordenaars kan kwytgeskeld word terwyl soldate vervolg word. Sommige geestelikes/predikante en politici voer veldtogte om veroordeelde moordenaars te red deur die doodstraf te beëindig, terwyl hulle onskuldige babas tot die dood veroordeel deur aborsie aan te moedig.
In hierdie era van versoening, blyk dit dat persoonlike en openbare beleid nie bepaal word deur “wat is reg?” nie, maar deur “wat is gewild?”. Afrika probeer nie eers meer om elke area van die lewe getrou, in gehoorsaamheid aan die Woord van God, te bou nie. Die “Nuwe Suid-Afrika” het Bybelse beginsels oorboord gegooi en humanisme met ‘n ongelooflike spoed aangeneem.
Francis Schaeffer definieer humanisme as: “die plaas van die mens in die middel van alle dinge en die maak van die mens as maatstaf vir alle dinge.”
Alexander Solzhenitzyn beskryf dit as: “die proklamasie en praktyk van die outonomie van die mens van enige hoër Mag.”
Volgens die humanistiese denke, is daar geen duidelike standaard van reg en verkeerd nie.
Die onvermydelike gevolg van humanisme kan gesien word in die totalitarisme en slagtings van die kommunistiese Ooste en die permissiwiteit en dekadensie van die demokratiese Weste.
Humaniste moet verantwoordelikheid neem vir die groot slagting van aborsie, die pornografie plaag, die dwelm epidemie, die VIGS pandemie, die golf van misdaad, en die toename van perversie. Hierdie rampe is die logiese gevolg van die verwerping van die Wet van God en die bevordering van situasie-etiek, evolusionisme, permissiwiteit en “alternatiewe lewenstyle”.
En dit is op hierdie plek waar ons onsself vandag bevind. Ons samelewing het Bybelse Hervorming dringend nodig, en ons kerke herlewing. Waar die Hervormers, Puriteine, Hugenote en Pelgrims bekend was vir moed en beginselvaste getrouheid aan die Woord van God, is ons geslag duidelik vol lafhartigheid, liefde vir plesier, en kompromie.
Die Hervormers se Posisie Die Bybelse leerstelling van die totale verdorwenheid van die menslike natuur – dat die mens van nature sondig is en God nie kan behaag nie – het die Hervormers gelei om ‘n teenoorgestelde posisie in te neem as dié van die Humaniste. Die Hervormers het geglo dat die menslike natuur in wese sondig en selfsugtig is. Daarom was hulle ten gunste van ‘n regeringsvorm met streng wette en swaar strawwe vir kriminele gedrag. Hulle het erken dat die burgerlike regering genoeg mag moet hê om die bose drifte van sondige mense in bedwang te hou. Omdat hulle egter besef het dat “mag korrupteer, en absolute mag korrupteer absoluut” het hulle geweet dat die regeerders nie vertrou kon word met absolute mag nie.
Hulle oplossing was nie die heidense Griekse Utopia van Demokrasie – waar die mens heers – nie, maar ‘n grondwetlike republiek – waar die Wet regeer. Daarom het die Hervormers daarna gestreef om hul republieke te bou op die onveranderbare Wet van die Woord van God. In plaas van heersers, het hulle beamptes verkies – staatsamptenare – wat gebonde was deur die kettings van die grondwet. Hulle was ten gunste van desentralisering en daarom het hulle ‘n stelsel van vergelyking en balansering opgerig om die mag en verantwoordelikheid in ‘n Trinitariese model van Uitvoerende, Wetgewende en Regterlike afdelings van staatsbestuur te verdeel (Jesaja 33:22).
Weens hulle versigtigheid vir die menslike natuur van buitelandse magte, was hulle ook ten gunste van ‘n sterk militêre verdediging om ‘n afskrikmiddel te wees teen aanvalle en om die vryheid en sekuriteit van die inwoners te beskerm.
Christene glo dat God se Wet, soos geopenbaar in Sy Woord, die Bybel, die absolute en onveranderlike beginsels bevat waardeur alle gebiede van die lewe regeer moet word. Die Wet van God reflekteer die ewige en onveranderlike karakter en wil van God, en kan daarom nie geïgnoreer word nie.
Ons besorgdheid om God se geopenbaarde Wet op die alledaagse lewe toe te pas, vloei uit die Bybelse leerstellings oor die Soewereiniteit van God en die sondigheid van die mens.
Een van die basiese verskille tussen die Bybelse Christendom en die humanistiese geloof is dat: die Bybelse geloof ‘n reaksie op Waarheid is, terwyl die mens-gesentreerde geloof ‘n poging is om God te manipuleer. Die Bybelse geloof mik om God te behaag, terwyl die mens-gesentreerde geloof mik na selfbevrediging.
Die Bybel verklaar dat “Jesus, Here is” oor alle gebiede van die lewe (Kolossense. 1:15-17). “Die aarde behoort aan die Here en die volheid daarvan, die wêreld en die wat daarin woon” Psalm 24:1. Christene moet sout en die lig wees (Matthéüs 5:13-16), om die goeie in die samelewing te bewaar en die wêreld met ons getuienis van Christus te verlig. In die Groot Opdrag het ons Here ons beveel: “…maak dissipels van al die nasies…en leer hulle om alles te onderhou wat Ek julle beveel het” Matthéüs 28:19
Slegs deur landswye berou, herlewing en hervorming kan ons die morele mure van ons samelewing herbou.
Die Keuse lê by Ons Dit is óf God se Wet, óf God se Oordeel. Óf herlewing, óf chaos.
“En My volk, oor wie My Naam uitgeroep is, hulle verootmoedig en bid en My aangesig soek en hulle bekeer van hul verkeerde weë, dan sal Ek uit die Hemel hoor en hulle sonde vergewe en hulle land genees.” 2 Kronieke 7:14
Hierdie boek kan verkry word deur: Christian Liberty Books, Posbus 358, Howard Place 7450, Kaapstad, Suid-Afrika, Tel.: 021-689-7478, Faks: 086-551-7490; E-Pos: admin@christianlibertybooks.co.za, Webwerf: http://www.christianlibertybooks.co.za.
Dr. Peter Hammond Africa Christian Action PO Box 23632 Claremont 7735 Cape Town South Africa Tel: 021-689 4481 E-mail: info@christianaction.org.za Web: http://www.christianaction.org.za/ Join us on Facebook and Twitter